Prezident təqaüdçüsü, Uğur Gənclər Qrupunun rəhbəri Günel Əliqızın təşəbbüsü ilə 44 günlük Vətən Müharibəsinin qəhrəmanlarından biri Ədilov Səid Həsən oğlunun xatirəsini əbədiləşdirmək məqsədi ilə “Suqovşan Fatehi” filminin Bərdə şəhərində Mədəniyyət mərkəzində təqdimat mərasimi baş tutub.
Təqdimat mərasimində şəhid ailələri, qazilər, jurnalistlər, rayon ictimaiyyəti, mədəniyyət nümayəndələri, idarə və müəssələrin təmsilçiləri iştirak edib. Şəhidin döyüş yolu, uşaqlıq xatirələri, arzularından söz açan ailə üzvləri iştirak ücün hər kəsə təşəkkür edib.
Rayon rəhbərliyi, ölkə başçısı İlham Əliyevə və Mehriban xanıma şəhid ailələrinə göstərdiyi diqqət və qayğıya görə təşəkkür edib. Günel Əliqızı tədbirlər silsiləsinin davam edəcəyini, filmin nümayişinin müxtəlif bölgələrdə nəzərdə tutulduğunu vurğulayıb. Qeyd edək ki, filmin rejissoru Ramin Bağırovdur.
